საზოგადოების მაღალი ინტერესიდან გამომდინარე, გაცნობებთ, რომ გავრცელებული ინფორმაცია, თითქოს სააგენტომ შეზღუდა მიკედლების პროცედურები, სიმართლეს არ შეესაბამება, – ინფორმაციას ცხოველთა მონიტორინგის სააგენტო ავრცელებს.
მათივე ინფორმაციით, დაინტერესებულ მოქალაქეებს შეუძლიათ შეუფერხებლად მიმართონ სააგენტოს და ოფიციალურად მიიკედლონ მზრუნველობაში მყოფი ცხოველები.
„ამისათვის საჭიროა გამოგვიგზავნოთ წერილობითი მოთხოვნა სააგენტოს ელფოსტაზე: info@ama.gov.ge განცხადებას დაურთეთ: ძაღლის ფოტო, ასევე საჭდის ფოტო, რომელზეც იკითხება საჭდის ნომერი, მისამართი, სადაც გსურთ ძაღლის მიკედლება, ასევე თქვენი პირადი ნომერი და საკონტაქტო მონაცემები“, – ნათქვამია ინფორმაციაში.
