ოპოზიციონერი პოლიტიკოსი, ანა დოლიძე, გაერთიანებული “ნაცმოძრაობის” მიერ 26 მაისს თბილისში დაანონსებულ აქციას სოციალურ ქსელში ეხმიანება და წერს, რომ 26 მაისი საქართველოს თითოეულ მოქალაქეს ეკუთვნის.
როგორც დოლიძე აღნიშნავს, საქართველოს დამოუკიდებლობის დღეს ისედაც ყველა ქუჩაშია და ზეიმობს, ასე იქნება წელსაც.
“26 მაისი ყველასია. 26 მაისი საქართველოს დამოუკიდებლობის დღეა და ეკუთვნის ყველა მოქალაქეს. ის არ ეკუთვნის არც ბიძინას, არც მიშას ან ვინმე სხვას. 26 მაისს ისედაც ქუჩაში ვართ და ვზეიმობთ დამოუკიდებლობის დღეს და რა თქმა უნდა, წელსაც ვიზეიმებთ.” – წერს დოლიძე Facebook-ზე.
