ძარცვიდან სამი დღის შემდეგ ლუვრის მუზეუმი ვიზიტორებისთვის ადგილობრივი დროით 09:00 საათზე გაიხსნა. ინფორმაციას ამის შესახებ „როიტერი“ ავრცელებს.
პარიზის ლუვრის მუზეუმში ძარცვა 19 ოქტომბერს მოხდა, რამდენიმე ნიღბიანი პირი მუზეუმში ამწის მეშვეობით ფანჯრიდან შეიჭრა.
პარიზის პროკურატურის ინფორმაციით, ძარცვას ექვსიდან შვიდ წუთამდე დასჭირდა და მასში ოთხი ადამიანი მონაწილეობდა, რომლებიც უიარაღო იყვნენ.
დამნაშავეებმა საფრანგეთის სამეფო გვირგვინის კოლექციიდან ცხრა ნივთი წაიღეს, საიდანაც ერთ-ერთი – ნაპოლეონ მესამის მეუღლის გვირგვინი გაქცევის დროს დაკარგეს.
ლუვრის მუზეუმიდან ექსპონატების მოპარვის შედეგად მიყენებული ზარალი 88 მილიონ ევროდ შეფასდა.
