„კლასიკური ევროთვალთმაქცობა, როცა ღირებულებები გამოიყენება შერჩევითად, პოლიტიკის, ძალაუფლებისა და ინტერესების მიხედვით – ევროსაბჭო უცხოური ჩარევის წინააღმდეგ გამოცდილების გაზიარებას საქართველოს სთხოვს.
არავის დავიწყებია სტრასბურგიდანაც უმსგავსო ‘ბულინგი’ ე.წ. “რუსულ კანონზე” და ე.წ. “გაყალბებულ” არჩევნებზე, თუმცა საქართველოს ხელისუფლება იგერიებს რა თავხედურ საგარეო თავდასხმებს, მზადაა ურჩიოს ერთგვარ ცაიტნოტში მყოფ შერჩევითად “გაბუტულ” პარტნიორებს. ოფიციალურმა თბილისმა მოსაზრებები უკვე მოამზადა და გადააგზავნა მთხოვნელის სახელზე.
აქვე საზოგადოებას შევახსენებ ‘სახის შენარჩუნების’ გავრცელებული PR-ტაქტიკების ძირითად პრინციპებს, რომლის გათვალისწინება უწევთ და მოუწევთ ჩვენს უცხოელ უარგუმენტო კრიტიკოსებს:
- ფორმულირებების შეცვლა („უკან დახევა“ → „ტაქტიკური პაუზა“);
- აქცენტის გადატანა სხვა თემაზე ან გარე ფაქტორზე;
- ნაწილობრივი აღიარება სრული პასუხისმგებლობის გარეშე;
- მესამე მხარის დადანაშაულება (ოპონენტები, მედია, გარე ძალები);
- პრინციპულობის დემონსტრირება („ღირებულებებს არ ვთმობთ“)
- დროებითი ნაბიჯის წარმოჩენა, როგორც სტრატეგიული არჩევანი
თავად აირჩიონ თუ რომელი გზით სჯობს წასვლა თავისუფალ და თავმოყვარე ქართველ ერთად ‘ხიდების აღსადგენად’. ჩვენ ამას არ ვუცდით, მშვიდობიანი განვითარების ეროვნული დღის წესრიგი გვაქვს ამ მეტად ტურბულენტურ გლობალურ რეალობაში.“ – წერს აბაშიძე სოციალურ ქსელში.
