ირაკლი კირცხალია – სრული აბსურდია, რომ ვინმეს ყურადღება არ ექცევა დღეს პენიტენციურ დაწესებულებაში, საზოგადოება არ იღებს ასეთ ტყუილს

„სრული აბსურდია, რომ ვინმეს ყურადღება არ ექცევა დღეს პენიტენციურ დაწესებულებაში. საზოგადოება არ იღებს ასეთ ტყუილს. მათ [ოპოზიციას] რომ ვუსმენდეთ, სააკაშვილი უკვე რვაჯერ უნდა გვყავდეს დაკრძალული. ღმერთმა დიდხანს ამყოფოს ჯანმრთელად და ბედნიერად. ვხედავთ დღეს მის გამოსვლებს და პოლიტიკურ განცხადებებს. დამერწმუნეთ, მაქსიმალურად ექცევა ყურადღება არა მხოლოდ ქალბატონი ელენეს ჯანმრთელობას, არამედ ყველა იმ პატიმარს, ვინც ჩვენს პენიტენციურ სისტემაში იხდის სასჯელს. არ აჰყვეთ ამ აბსურდს და მერწმუნეთ, საზოგადოება ამ აბსურდს არ აჰყვება“, – განაცხადა კირცხალიამ.