“ყოველგვარ პოლიტიკურ, სამართლებრივ და მორალურ ზღვარს სცილდება ის, რაც მოხდა ჰააგაში, ეუთოს საპარლამენტო ასამბლეაში. ყოვლად ნამუსგარეცხილმა, კორუმპირებულმა, ამერიკელმა ვითომპოლიტიკოსმა, ჯო უილსონმა, რომელმაც ლობიზმი პირადი შემოსავლის წყაროდ აქცია, ეუთოს საპარლამენტო ასამბლეაში საქართველოს განვითარების ძირსგამომთხრელი რეზოლუცია დაასპონსორა.
საქართველოს დელეგაციამ ეს სამარცხვინო სხდომა პროტესტის ნიშნად დატოვა, მაგრამ ჩვენი მხრიდან ეს პოლიტიკური საპროტესტო ნაბიჯი საკმარისი აღარაა. დღეს საქართველო აღარაა იმ ქვეყანათა რიგში ვისაც თითის დაქნევით ესაუბრებიან, დღეს საქართველო იმდენად ძლიერია, რომ შეუძლია ქვეყნისთვის სასარგებლო გადაწყვეტილებები პრინციპულად მიიღოს და დაიცვას კიდეც. „ურჩი“ ქართველები ბევრს „ყელში ყავს გაჩხერილი“, დღეს საქართველოს აშკარად და დაუფარავად ებრძვიან პოლიტიკურ-კრიმინალური ჯგუფები, რომლებიც მსხვილ საერთაშორისო ორგანიზაციებს დიფსტეიტის პრინციპით მართავენ და რომლებისთვისაც თუ მათ ინტერესში არ ხარ სულ არ აინტერესებთ საერთაშორისო სამართალი, ისინი შედეგის მისაღწევად ჯოსნაირ კორუმპირებულ პოლიტიკოსებს იყენებენ და ავალებენ დაასპონსოროს უკანონო, ჩვენი ქვეყნისთვის საზიანო რეზოლუციები.
აღნიშნულიდან გამომდინარე დროა ერთობის, დროა პოლიტიკური წყენების დროებით მაინც დავიწყების, დროა შევიმუშაოდ პოლიტიკური მანიფესტი, დროა რომ ის პოლიტიკოსები და პოლიტიკური პარტიები, რომლებიც დიფსტეიტის სამსახურში არ ჩამდგარან ქვეყნის ყველა მტრის და ვითომეგობრის წინააღმდეგ გახსნან ერთიანი პოლიტიკური ფრონტი.” – კახა ძაგანია.
