შვეიცარიის ქალაქ ჟენევაში აშშ-ირანის ბირთვული მოლაპარაკებების მორიგი რაუნდი დაიწყო. ინფორმაციას Al Jazeera ავრცელებს.
მოლაპარაკებებს შუამავლობას ომანი უწევს. შეხვედრის ზუსტი ადგილი უცნობია, თუმცა მედია ვარაუდობს, რომ მხარეები ერთმანეთს ომანის ელჩის რეზიდენციაში ან ომანის საკონსულოს შენობაში ხვდებიან.
ირანის საგარეო საქმეთა სამინისტროს პრესმდივნის, ისმაილ ბაღეის განცხადებით, მოლაპარაკებები შუადღემდე გაგრძელდება. მოგვიანებით ირანის საგარეო საქმეთა მინისტრი, აბას არაღჩი გაეროს ფარგლებში შეხვედრას გამართავს და სხვადასხვა ქვეყნებს თეირანის პოზიციას გააცნობს.
ამერიკულ მხარეს ირანთან მოლაპარაკებებში აშშ-ის პრეზიდენტის, დონალდ ტრამპის სპეციალური წარმომადგენელი სტივ უიტკოფი და ბიზნესმენი, ჯარედ კუშნერი წარმოადგენენ.
