მემარცხენე ალიანსი: ევროკავშირმა მოლდოვას და უკრაინას გაუხსნა გაწევრიანების თაობაზე მოლაპარაკების პირველი კლასტერი, სადაც როგორც მოსალოდნელი იყო, საქართველო არ მონაწილეობს. ჩვენს ქვეყანაში მოქმედი აგენტურა–მეხუთე კოლონა ამას ‘’ქართულ ოცნებას’’ აბრალებს! ამას კვერს უკრავს ევრო ბიუროკრატია იგივე დიფ სტეიტი! ორივენი ხმაშეწყობილნი მღერიან ერთ სიმღერას რომელიც ევროპის რომელიღაც კაბინეტში დაიწერა!

სინამდვილეში კი აი რა ხდება! საქართველოსგან ვითომცდა ევროკავშირში გაწევრიანების მიზნით მოითხოვენ სამ ძირითად საკითხს:

!. ქვეყნის სამხედრო დაპირისპირებას რუსეთის იმპერიასთან რაც უფრო მეტად გამანადგურებელი იქნება ჩვენთვის ვიდრე 2008 წლის ომი.

2. ეკონომიკური სანქციების დაწესება რუსეთისათვის, რასაც თვითონ არ ასრულებენ მაგრამ ჩვენგან მოითხოვენ! ეს სამხედრო დაპირისპირებაზე არანაკლებად დამანგრეველი იქნება.

3. მოლდოვის მსგავსად სახელმწიფოებრიობაზე სრული უარის თქმა, აფხაზეთისა და ე.წ. ‘’სამხრეთ ოსეთის’’ დამოუკიდებლობის აღიარება!

სამივე პუნქტი კატეგორიულად მიუღებელია ჩვენი ქვეყნისათვის რომელმაც ბოლო წლების განმავლობაში მტკიცე ნაბიჯები გადადგა ქვეყნის ქაღალდზე დაწერილი დამოუკიდებლობიდან რეალურ დამოუკიდებლობისკენ მიმავალ გზაზე!

გარდა ზემოჩამოთვლილი ქვეყნისათვის დამღუპველი პუნქტებისა, ევრო ბიუროკრატია მოითხოვს გამჭვირვალეობის კანონის, ოჯახური სიწმინდის, არასრულწლოვანთა უფლებების დაცვის და სხვა ეროვნული ფუნდამენტალური კანონების გაუქმებას!

ისმის ლოგიკური კითხვა! გვინდა კი ასეთ ევროკავშირში გაერთიანება ქვეყნის დანგრევა-აოხრების, ეკონომიკური კოლაფსის და ეროვნული ცნობიერების დეგრადაციის ფასად?!

ჩვენ ხომ ნებისმიერ კავშირში გაერთიანება გვსურს ჩვენი ერის, ჩვენი ხალხის კეთილდღეობის, სულიერი და მატერიალური მდგრადობის და ხანგრძლივი მშვიდობის დამყარებისთვის!

ჩვენი ეროვნული მიზნების განხორციელების გზაზე რომელი გარანტიაა ასეთი დეგრადირებული, კორუფციის ჭაობში ჩაფლული ევროკავშირი რომელიც ახალ წევრებს მხოლოდ მეორეხარისხოვან ერებად მიიჩნევს,? თავის თავს სამოთხედ, ხოლო სხვებს ჯუნგლებად განიხილავს?!