ბერდია, ადამიანის ჯანმრთელობის მდგომარეობაზე ხუმრობა არც პოლიტიკური კრიტიკაა და არც “ქართულ ჯიგრულ პონტში” ჯდება, – ასე პასუხობს გახარიას პარტიის წევრის, ბერდია სიჭინავას მიერ თენგიზ შარმანაშვილის შესახებ დაწერილ დამცინავ ფეისბუქ-პოსტს ანალიტიკოსი ნიკოლოზ მეტრეველი.
როგორც მეტრეველი სოციალურ ქსელში წერს, სიჭინავამ კარგად იცის, რომ თენგიზ შარმანაშვილი რთულ დაავადებას ებრძვის და “რეიტინგისგან სრულიად დაცლილ გახარიებს” ურჩევს, სხვისი დაცინვის ნაცვლად, საკუთარ ლიდერს მიხედონ და გააგებინონ საზოგადოებას, სად არის და რას აკეთებს.
“ძალიან კარგად იცი, ჩვენზე ასაკით ბევრად უფროსი ადამიანი რთულ დაავადებას ებრძვის, თუმცა ეტყობა შენ იმდენად უსამშობლო ხარ, რომ კაცურ სუფრაზეც არავინ გეპატიჟება, თორემ სხვა შემთხვევაში ისიც გეცოდინებოდა, რომ ქართველი კაცისთვის პახმელიაზე ყოფნა სირცხვილი ნამდვილად არ არის, მაგრამ სხვისი ჯანმრთელობის მდგომარეობით სპეკულირება კი ნამდვილად არის.
კოლექტიურო რეიტინგისგან სრულიად დაცლილო გახარიებო, სანამ სხვისი დაცინვით ცდილობთ ყურადღების მიქცევას, იქნებ ჯერ საკუთარ პოლიტიკურ ბანაკს მიხედოთ და თქვენს ლიდერს, გიორგი გახარიას მიხედოთ. საზოგადოებას ძალიან აინტერესებს, სად არის და რას აკეთებს.
პოლიტიკაში აზრთა დაპირისპირება ნორმალურია. განსხვავებული პოლიტიკური შეხედულებები შეიძლება გვქონდეს, მაგრამ ელემენტარული ადამიანობა ყველასთვის ერთი სტანდარტი უნდა იყოს,” – წერს მეტრეველი.
ცნობისთვის, ბერდია სიჭინავამ, საპარლამენტო უმრავლესობის დეპუტატ თენგიზ შარმანაშვილის შესახებ დაწერა: „შარმანაშვილი „პახმელიაზეა“?!“
