სამტრედია-გრიგოლეთის მაგისტრალის ლანჩხუთი-ლესას 8-კილომეტრიანი 4-ზოლიანი მონაკვეთი დღეს პრემიერ-მინისტრმა ირაკლი კობახიძემ და ინფრასტრუქტურის მინისტრმა რევაზ სოხაძემ გახსნეს. ამ გზის მშენებლობის ჯამური ღირებულება 324.6 მილიონ ლარს შეადგენს. სამტრედია-გრიგოლეთის მესამე მონაკვეთის ჯამური სიგრძე 12 კილომეტრს შეადგენს, საიდანაც 8 კილომეტრის მონაკვეთი დღეს გაიხსნა.
