“რომ არ ყოფილიყო ის სახელმწიფო პროგრამები, რომლებიც თქვენ შექმენით 2013 წელს, ჩვენ ამხელა მაღალ რისკიან ბიზნესს ხელს არ მოვკიდებდით, მით უმეტეს, სამი საოკუპაციო ბაზა პირდაპირ დასცქერის ჩვენს ბაღებს, შემიძლია შეუიარაღებელი თვალით დავინახო, უზარმაზარი ბაზებია.
ადგილობრივი რისკის გარდა, კიდევ ბუნებრივი რისკია, სიტიქიის რისკები გვაქვს, რომლის ნაწილისგან დაზღვეული ვართ. ეს ნაწილი არის მაგალითად, სეტყვის საწინააღმდეგო ბადეები და სეტყვისგან გვაქვს დაზღვეული. წელს კიდევ ერთხელ ავიღეთ შეღავათიანი აგრო სესხი იმისთვის, რომ ბაღი გავაშენოთ, მისი ნაწილი უკვე ანგარიშზე გვაქვს და ნაწილი ავითვისეთ, რადგან ნერგები უნდა შევიძინოთ, ასევე უცხოეთში საყრდენი სისტემა.” – განაცხადა გოჯიაშვილმა.
დღევანდელ სხდომაზე, კომისიის წევრები, ხილის, ბოსტნეულის, წვენების და ჯემების ადგილობრივი მწარმოებელი კომპანიების წარმომადგენლებთან ერთად, ბაზრის სტრუქტურის, ფასწარმოქმნის ჯაჭვის და სექტორის საოპერაციო პროცესების შესახებ მსჯელობენ.
