კომპიუტერული ჩიპების მიწოდებასთან დაკავშირებული პრობლემების გამო, როგორც ჩანს, Volkswagen-ი ვოლფსბურგში მდებარე თავის მთავარ ქარხანაში წარმოების შეჩერებას გეგმავს – Bild-ის ცნობით, ეს, სხვა მოდელებთან ერთად, Golf-ზეც იმოქმედებს.
Golf-ის წარმოების შეჩერებას, სავარაუდოდ, მოჰყვება სულ მცირე სამი სხვა მოდელის, მათ შორის Tiguan-ის, Touran-ის და Tayron-ის წარმოების შეჩერება, რომლებიც ასევე Volkswagen-ის ვოლფსბურგის ქარხანაში იწარმოება.
მედიის ცნობით, გარდა იმისა, რომ VW-ი მშობელ ქარხანაში წარმოების შეჩერებას გეგმავს, ამასთან აპირებს, მოკლევადიან სამუშაოზე გადასვლას. თავდაპირველად რამდენიმე ათასი თანამშრომელი დაზარალდება, მოგვიანებით კი შესაძლოა ათიათასობით თანამშრომელი მოკლევადიან სამუშაოზე გადაიყვანონ.
როგორც სტატიის ავტორი წერს, ოთხშაბათს, Volkswagen-მა გააფრთხილა, რომ ჩინეთსა და ნიდერლანდურ Nexperia-ს შორის არსებულმა დავამ შესაძლოა წარმოების დროებითი შეფერხება გამოიწვიოს. სწორედ მომწოდებელი Nexperia-სგან კომპიუტერული ჩიპების მიწოდების ჩავარდნის გამო სურს Volkswagen-ს წარმოების შეჩერება.
მედიის ინფორმაციით, ავტომწარმოებელმა მოთხოვნისთანავე ხაზგასმით აღნიშნა, რომ Golf-ისა და Tiguan- ის წარმოების შეჩერება დაგეგმილი იყო და არ უკავშირდებოდა Nexperia-ს საქმეს. ამავე დროს, გამოცემა Bild-ის ცნობით, კომპანიის წარმომადგენლები უკვე დაუკავშირდნენ დასაქმების სააგენტოს, რათა დასაქმებულთა ნაწილისთვის მოკლევადიანი სამუშაო გრაფიკი მოეთხოვათ. სტატიაში აღნიშნულია, რომ წარმოებისთვის საჭირო მასალა შესაძლოა მომავალ კვირაში ამოიწუროს.
