სურსათის ეროვნული სააგენტოს აზიურ ფაროსანასთან ბრძოლის მართვის ცენტრი აჭარაში ტყის პერიმეტრებს და ჯაგნარებს ცივი შესხურების მეთოდით, ხოლო სოფლების შიდა და გარე პერიმეტრებს თერმული ნისლით ამუშავებს. ქობულეთის მუნიციპალიტეტში მობილიზებულია 55 ერთეული სპეცტექნიკა. ღონისძიებები უსაფრთხოების ნორმების სრული დაცვით მიმდინარეობს. ამ ეტაპზე 3300 ჰა ტერიტორიაა დამუშავებული.
ქობულეთის მუნიციპალიტეტის თოთხმეტ ადმინისტრაციულ ერთეულში ღონისძიებების მიმდინარეობას სურსათის ეროვნული სააგენტოს აზიურ ფაროსანასთან ბრძოლის მართვის ცენტრის უფროსი დავით აშორდია, აჭარის სოფლის მეურნეობის მინისტრი დენის სალუქვაძე და ადგილობრივი თვითმმართველობის ხელმძღვანელები გაეცნენ.
ამ ეტაპზე, როცა აზიური ფაროსანა ტყის მასივებიდან გამოსაზამთრებლად საცხოვრებელი სახლებისა და შენობა-ნაგებობისკენ ინაცვლებს, სააგენტოს მიერ გატარებული ინტენსიური ღონისძიებების პარალელურად, უმნიშვნელოვანესია მოსახლეობის აქტიური ჩართულობა, რაც საკუთარ საკარმიდამო ტერიტორიაზე მექანიკური მეთოდების გამოყენებას გულისხმობს.
ინფორმაციას სურსათის ეროვნული სააგენტო ავრცელებს.
