უკრაინის პრეზიდენტის ოფისის ყოფილმა მრჩეველმა, ალექსეი არესტოვიჩმა განაცხადა, რომ აშშ-ის ადმინისტრაცია განრისხებულია და მათი მხრიდან უკრაინის პრეზიდენტი, ვოლოდიმირ ზელენსკი მშვიდობის მისაღწევად მთავარ დაბრკოლებად აღიქმება.
„ვოლოდიმირ ზელენსკი ტრამპისა და მთელი მისი ადმინისტრაციისთვის აუტანელი ფიგურაა. ისინი აბსოლუტურად განრისხებულნი არიან. უფრო მეტიც, ისინი ვარაუდობენ, რომ ზელენსკი მშვიდობის მთავარი დაბრკოლებაა უკვე ერთ წელზე მეტია. ახლა კი ვარაუდობენ, რომ ის მშვიდობის ერთადერთი დაბრკოლებაა“, – აცხადებს არესტოვიჩი.
