„საქართველოს მელიორაცია“ დედოფლისწყაროს მუნიციპალიტეტში სამელიორაციო ინფრასტრუქტურის აღდგენა-რეაბილიტაციის პროექტს ახორციელებს. ინფორმაციას „საქართველოს მელიორაცია“ ავრცელებს.
პროექტით გათვალისწინებულია დალის მთის წყალსაცავის წყალგამშვები კოშკის რეაბილიტაცია, კაშხლის დაზიანებული ფერდის მოპირკეთება, კოშკის ელექტრომექანიკური და ჰიდრავლიკური მოწყობილობებისა და დანადგარების დამონტაჟება.
ჩატარებული სამუშაოები ინფრასტრუქტურის გამართულ ფუნქციონირებას უზრუნველყოფს.
პროექტის ღირებულება 3.9 მლნ ლარია.
„საქართველოს მელიორაციის“ გენერალური დირექტორი გიგლა თამაზაშვილი, შესაბამისი სამსახურების წარმომადგენლებთან ერთად, მიმდინარე სამუშაოებს ადგილზე გაეცნო.
