საქართველოს ჰყავს უგანათლებულესი და უნიჭიერესი ახალგაზრდობა, რომლებსაც ნაკლებად წარმოვაჩენთ ხოლმე. ძირითადად, თითქოს ვიღაცის ანგაჟირებული ნება გვალაპარაკებს მხოლოდ მის გენმოდიფიცირებულ ნაწილზე – რომელთა სამშობლოსაკენ და ქართველობის ფესვებისაკენ შემობრუნება ჩვენი ერთ-ერთი მთავარი ამოცანაა – ასე ეხმიანება „ხალხის ძალის” წევრი დავით ქართველიშვილი
“ქართული ოცნების“ ახალგაზრდული ორგანიზაციის რეგიონულ კონფერენციებს, რომელშიც აქტიურად იღებს მონაწილეობას ბიძინა ივანიშვილის უმცროსი ვაჟი, ცოტნე ივანიშვილი.
როგორც ქართველიშვილი აღნიშნავს, ცოტნე ივანიშვილს არაერთი ღია განცხადება გვსმენია აქამდე, რომელიც სწორედ რომ საზოგადოებაში მავნე ძალების მიერ ჩანერგილი პოლარიზაციის წინააღმდეგ იყო მიმართული.
მისივე თქმით, დღესაც მისი მონაწილეობა სახელისუფლებო ახალგაზრდულ მოძრაობაში ემსახურება თავის ასაკობრივ ჯგუფში დაბუდებული გაუცხოების დაძლევას.
„საქართველოს ჰყავს უგანათლებულესი და უნიჭიერესი ახალგაზრდობა, რომლებსაც ნაკლებად წარმოვაჩენთ ხოლმე. ძირითადად, თითქოს ვიღაცის ანგაჟირებული ნება გვალაპარაკებს მხოლოდ მის გენმოდიფიცირებულ ნაწილზე – რომელთა სამშობლოსაკენ და ქართველობის ფესვებისაკენ შემობრუნება ჩვენი ერთ-ერთი მთავარი ამოცანაა. არავის გვიკვირდა ამ პროცესში ბერა ივანიშვილის ჩართულობა, სასიამოვნო აღმოჩენაა დღეს – ამაში ცოტნე ივანიშვილის მონაწილეობა, რომელიც “ქართული ოცნების” ახალგაზრდული ორგანიზაციის არაერთ რეგიონულ “ტურნეში” გვევლინება. ცოტნეს არაერთი ღია განცხადება გვსმენია აქამდე, რომელიც სწორედ რომ საზოგადოებაში მავნე ძალების მიერ ჩანერგილი პოლარიზაციის წინააღმდეგ იყო მიმართული. დღესაც მისი მონაწილეობა სახელისუფლებო ახალგაზრდულ მოძრაობაში ემსახურება თავის ასაკობრივ ჯგუფში დაბუდებული გაუცხოების დაძლევას. ამას აკეთებს სანიმუშო განათლების, აღზრდის და ეროვნული თვითშეგნების პოზიციებიდან იმ “გოდების კედლის” დასამსხვრევად, რომელიც ჩვენს მომავალ თაობაში, ხელოვნურ წყალგამყოფად აღმართეს უსამშობლო კლასტერის ბოროტმა არქიტექტორებმა. დღეს მორწმუნე, ტრადიციული ოჯახის მიმდევარი, პატრიოტი და განათლებული ახალგაზრდების დემონიზება სურთ ამ ქვეყნის მტრებისა და ღმერთმებრძოლ ძალებს. ცოტნე ივანიშვილის ჩართულობა ჩვენი საზოგადოების ახალგაზრდული სეგმენტის გაერთიანებაში მამულის, ენისა და სარწმუნოების გარშემო – არა თუ მისასალმებელია, არამედ მხარდასაჭერია, როგორც ხვალინდელი ერთიანი და სანიმუშო ქართველობის მომავლის ფუნდამენტის აღმშენებლობა,“ – წერს ქართველიშვილი.
