ვიდეოკამერა დააყენეს, როგორც კი მიცვალებული ჩამოასვენეს და აფიქსირებდნენ ყველას, ვინც მოვიდოდა. იღებდნენ და მერე, ღამე აგზავნიდნენ ზოგან ნათესავს, ზოგან – ზონდერს, რომ ეს ხალხი დაეშინებინათ და აღარ მოსულიყვნენ. არავინ იყო, ერთი ათი კაცი იქნებოდა. მე ვიცოდი, რომ ფულს სთავაზობდნენ მეზობლებს, 50-50 ლარს, ვინც არ მოვიდოდა დასაფლავებაზე ისეთი ზნედაცემულები იყვნენ, ქართული რომ
არაფერო ჰქონდათ, – ამის შეაახებ პოლიტიკოსმა, დავით ლორთქიფანიძემ, 2011 წლის 26 მაისის აქციის დარბევის შემდეგ ნაწამებ და მოკლულ სულიკო ასათიანზე საუბრისას განაცხადა.
მან გადაცემაში “რეჟიმის ანატომია”, დეტალურად გაიხსენა სულიკო
ასათიანის ცხედარზე არსებული წამების კვალი და დაზიანებები.
“ჩემი თვალით დავინახე, რასაც ქალბატონი შორენა ბრძანებს, რომ გადახადეს [ცხედარს], ყელი ჰქონდა გამოგლეჯილი, მარცხენა თვალი ჰქონდა ამოთხრილი – პირდაპირი მნიშვნელობით, ამოგდებულო ჰქონდა თვალი. ხელები მკლავებზე ჰქონდა ჩალურჯებული, ეტყობა ჩამოკიდებული ჰყავდათ და ასე ჩამოკიდებულს აწამებდნენ. “ზელიონკები” იმიტომ წაუსვეს, რომ მაშინ სასიცოხლო თვისებები ჰქონდა შენარჩუნებული ჯერ კიდევ ეტყობა და იფიქრეს, რომ გადარჩებაო. რომ მოკვდა – მოკლეს, არ მინდა თქმა, რომ შემოაკვდათ – მერე უკვე მიუშვეს პროცესი და დააფარეს რაღაცები.” – აღნიშნა ლორთქიფანიძემ.
დავით ლორთქიფანიძემ ასევე გაიხსენა, რომ ოჯახის მიერ დამოუკიდებელი ექსპერტის მიერ აღებული ნიმუშების შედარება სახელმწიფო ექსპერტიზის პასუხებთან ვერ მოხერხდა, რადგან დოკუმენტები გაანადგურეს.
“მივმართე პროკურატურას და ბატონი ალექსანდრე გეჯაძე, დამოუკიდებელი ექსპერტი ჩამოვიდა, მიცვალებული ამოასვენეს, გადაასვენეს ქუთაისში, მორგში. მან აიღო შესაბამისი ბიოლოგიური ანალიზები, მაგრამ, რისთვისაც უნდა შეედარებინა ეს ყველაფერი, ის აღარ იყო ფიზიკურად. არავითარი უფლება, სახელმწიფო ექსპერტიზის ბიუროს არ ჰქონდა, რომ
ეს გაენადგურებინა, მაგრამ, გაანადგურა,” – განაცხადა ლორთქიფანიძემ .
