25-28 დეკემბერს, ძიუდოს აკადემიამ საქართველოს 2025 წლის ჩემპიონატს უმასპინძლა. ტურნირზე მონაწილეობა 75 კლუბის 438 სპორტსმენმა მიიღო.
აღსანიშნავია, რომ წელს პირველად ჩატარდა საქართველოს ჩემპიონატი ქალთა შორის. ოთხდღიანი შეხვედრების შედეგად კი, გამოვლინდა საქართველოს 14 ჩემპიონი.
ქალთა შორის: მარიამ ზაქარაია, ნინო თათრიშვილი, ნინო ხარაიშვილი, ნინო წიკლაური, მარიამ მახარაშვილი, ბარბარე გელაშვილი და ნონა კვარაცხელია.
ვაჟთა შორის კი: მათე გოგობედაშვილი, ლაშა ნადირაძე, გიორგი ტერაშვილი, ზაურ დვალაშვილი, ლუკა ჯავახიშვილი, ნიკა ხარაზიშვილი და ირაკლი დემეტრაშვილი.
