ქართველმა ემიგრანტმა, რიტა კვერნაძემ კანიე უესტს მადლიერების დღის წვეულება მოუწყო. ინფორმაციას ამის შესახებ კვერნაძის ახლობელი აქვეყნებს:
„ეს ჩემი ბავშვობის მეგობარი რიტაა. ადამიანი რომელიც მთელი ცხოვრება მიზანდასახულობით, შრომისმოყვარეობით და დაუღალავი ენერგიით ბრწყინავდა. ხან რას წამოიწყებდა, ხან რას ,ყოველთვის რაღაც ახალს ქმნიდა, ყოველთვის წინ მიდიოდა. დღეს კი უკვე ლოს ანჯელესში ცხოვრობს და თავისი პატარა ბიზნესი აქვს. ორიგინალურ და გემოვნებიან წვეულებებს აწყობს, აწყობს არა… ქმნის. ხელოვნებასავით.
გუშინ კი ის დღე დადგა, რომელმაც ყველას თავგზა აგვირია სიამაყით .წარმოუდგენლად დიდი შეკვეთა მიიღო: მადლიერების დღისთვის კანიე უესტის (აწ უკვე YE-ის )ოჯახისთვის მოაწყო ვახშამი. მოსვენება გვქონდა დაკარგული მთელი დღე იმდენად ველოდებოდით სიახლეებს თუ როგორ ჩაიარა ივენთმა.
საბოლოოდ YE და ბიანკა იმდენად აღფრთოვანებულები და კმაყოფილები დარჩნენ რომ ეხვეოდნენ,მადლობებს არ იშურებდნენ და მომავალი თანამშრომლობის იდეებიც კი შესთავაზეს რიტუნას.
ვიფიქრე, ეს ამბავი როგორ არ გავუზიარო ყველასთქო მაგრამ ჯერ ბოროტი თვალის შემეშინდა, მერე შურის . მაგრამ ბოლოს მივხვდი რომ ამის დამალვა არ შეიძლება . იმდენად ვამაყობ, იმდენად მიხარია, იმდენად დიდი სიყვარული და შრომა დგას ამ მიღწევაზე, რომ უბრალოდ ვერ წარმომიდგენია, ვინმემ ეს ამბავი ისეთივე სიხარულით და სიამაყით არ გაიზიაროს , როგორც რიტას კეთილის მსურველებმა.
ვინც რიტას ახლოს იცნობს, ზუსტად იცით , რა საოცარი პროფესიონალია. დეტალების ჯადოქარია. სამი შვილის უძლიერესი დედიკო, სიყვარულით სავსე მეუღლე, ერთგული მეგობარი.
რიტა, ჩემო ფრთებშრიალა ხომ იცი ეს დასაწყისია. წინ კიდევ ბევრი ჯადოსნური დღეები გაქვს . ისე მჯერა შენი და ისე მიხარია შენი წინსვლა თითქოს საკუთარი წარმატებები იყოს.
მიყვარხარ ძალიან ! იბრწყინე, იკაშკაშე და მიაღწიე ყველაფერს, რასაც გულში ინახავ. შენ ამას იმსახურებ”,- წერს სოციალურ ქსელში ქართველი ემიგრანტის, რიტა კვერნაძის ახლობელი.
