ლატვიის პარლამენტში გამართული ყოველწლიური საგარეო პოლიტიკის დებატების დროს, საგარეო საქმეთა მინისტრმა, ბაიბა ბრაჟემ, განმარტა ლატვიის პოზიცია ევროკავშირის მიგრაციის პაქტთან დაკავშირებით.
მან განაცხადა, რომ ლატვია არ მიიღებს ახალ მიგრანტებს ევროკავშირის მიგრაციის პაქტის ფარგლებში და ასევე უარს იტყვის ევროკავშირის მიერ ამის გამო დაკისრებული ნებისმიერი ჯარიმის გადახდაზე.
“როგორც შინაგან საქმეთა მინისტრმა უკვე ხაზგასმით აღნიშნა, ლატვია ახალ მიგრანტებს არ მიიღებს და მათთვის თანხას არ გადაიხდის. ჩვენ სხვა ქვეყნებს მხარს დავუჭერთ და დახმარებას გავუწევთ,” – განაცხადა ბაიბა ბრაჟემ.
ევროკავშირის მიგრაციის პაქტის თანახმად, ქვეყნები ტექნიკურად ვალდებულნი არიან მიიღონ ევროკავშირის სხვა წევრი სახელმწიფოებიდან გადასახლებული მიგრანტები ან გაიღონ 20 000 ევროს ოდენობის „ფინანსური შენატანი“ თითოეული მიგრანტისთვის, რომლის მიღებაც არ სურთ.
