უნგრეთის პარლამენტმა პრეზიდენტ ტამაშ შუიოკის თანამდებობიდან გადაყენებას მხარი დაუჭირა, – ინფორმაციას BBC ავრცელებს.
პრემიერ-მინისტრ პეტერ მადიარის პარტია “ტისამ“, ორი მესამედის უმრავლესობის გამოყენებით, ადვილად მიიღო კონსტიტუციის მე-17 შესწორება, რითაც შუიოკის და საკონსტიტუციო სასამართლოს თავმჯდომარის, პეტერ პოლტის უფლებამოსილების ვადა დასრულდა.
მედიის ინფორმაციით, შუიოკს ახლა ხუთი დღე აქვს, რათა ხელი მოაწეროს ცვლილებას, რომელიც მის პოლიტიკურ კარიერას დაასრულებს – ან საქმე საკონსტიტუციო სასამართლოში შეიტანოს.
თუ შუიოკი საქმეს სასამართლოში შეიტანს, მადიარმა განაცხადა, რომ ის მის წინააღმდეგ იმპიჩმენტის პროცედურას დაიწყებს, რაც შუიოკს თანამდებობიდან ავტომატურად გადააყენებს.
კიდევ ერთი ვარიანტია თანამდებობიდან გადადგომა, რათა ქვეყნის ინტერესებიდან გამომდინარე, თავიდან იქნას აცილებული კონსტიტუციური კრიზისი, რასაც უნგრეთის ახალი მთავრობა მოითხოვს.
