უკრაინის მიკოლაევის ოლქის ადმინისტრაციის ხელმძღვანელი ვიტალი კიმი ამბობს, რომ უკრაინელებისთვის ომში გამარჯვება ომის დასრულებაა. მისი თქმით, ტერიტორიებზე უფრო მნიშვნელოვანი ადამიანების სიცოცხლეა და ამიტომ ის სამშვიდობო შეთანხმების სწრაფად გაფორმებას ემხრობა. კიმის განცხადებით, უკრაინა ომით დაიღალა, გამოიფიტა და უკრაინის არმიას კიდევ 4 ან 10 წელი ბრძოლის გაგრძელების რესურსი არ აქვს.
„პირადად ჩემთვის გამარჯვება – ჩვენი 1991 წლის საზღვრებია, როდესაც ადამიანები ბედნიერები იყვნენ და არ იღუპებოდნენ, თუმცა ყველა ძალიან დაიღალა. ამიტომ, ვფიქრობ, უკრაინელი ხალხისთვის გამარჯვება არის უბრალოდ ომის შეწყვეტა და უსაფრთხოების გარკვეული გარანტიები მომავლისთვის, რათა ჩვენმა შვილებმა შეძლონ ისე ცხოვრება, როგორც ჩვენ ვცხოვრობდით სრულმასშტაბიან შემოჭრამდე“, – განაცხადა კიმმა.
