ქართველი სპორტსმენების მორიგი წარმატება – ესპანეთის ქალაქ პამპლონაში, ბატუტზე ხტომაში ახალგაზრდული მსოფლიოს ჩემპიონატი გაიმართა, სადაც საქართველომ 5 მედალი მოიპოვა – 3 ოქრო, 1 ვერცხლი და 1 ბრინჯაო.
სპორტის მინისტრმა სპორტსმენებს ჩემპიონატზე მიღწეული წარმატება მიულოცა და მომავალ ასპარეზობებში გამარჯვება უსურვა.
საქართველოს სპორტის მინისტრის მოადგილე ირაკლი დოლაბერიძე აცხადებს, რომ სპორტსმენებმა კარგი შედეგი აჩვენეს.
“სპორტის სამინისტროში ვუმასპინძლეთ ბატუტზე მხტომელებს, რომლებმაც მსოფლიო პირველობაზე კარგი შედეგი აჩვენეს. საქართველოს ვაჟთა წყვილთა ნაკრებმა უმაღლესი სინჯის მედალი მიიღეს,” – აცხადებს დოლაბერიძე.
