როგორც ჩიხელიძე აღნიშნავს, სახელმწიფოს მიერ ფასების კონტროლი სრულიად ლეგიტიმური და აუცილებელია, განსაკუთრებით მაშინ, როდესაც პრაქტიკამ აჩვენა, რომ ზოგიერთ ბიზნესს არც სათანადო პასუხისმგებლობა აქვს და არც მორალური საზღვრები.
„როდესაც კერძო ბიზნესი კომერციულ მოგებასა და მოსახლეობის ძარცვას შორის ზღვარს კარგავს, სახელმწიფოს არა მხოლოდ უფლება, არამედ ვალდებულება აქვს, ჩაერიოს და საკუთარი მოქალაქეები დაიცვას.
ჩემთვის სრულიად გაუგებარია ის განცხადებები, რომლებიც ოპოზიციის წარმომადგენლებმა და ე.წ. ექსპერტებმა პრემიერ-მინისტრის გადაწყვეტილებასთან დაკავშირებით გააკეთეს. საუბარია სურსათის ფასების შესწავლასა და შესაბამის რეაგირებაზე.
ის ადამიანები, რომლებიც თვეების განმავლობაში ამტკიცებდნენ, რომ სურსათზე ფასები უკონტროლოდ არის გაზრდილი და სახელმწიფოს ჩარევას მოითხოვდნენ, დღეს სრულიად საპირისპირო პოზიციას იკავებen, ისინი ფაქტობრივად იცავენ მაღალ ფასებს და სახელმწიფოს აკრიტიკებენ. ამავე დროს, სწორედ ამ ხალხს აქვს პრეტენზია, რომ ქვეყნის ინტერესებზე ზრუნავენ და ქართველ ხალხს უკეთეს მომავალს სთავაზობენ. რეალურად კი მათი პოზიცია პირდაპირ ეწინააღმდეგება მოსახლეობის კეთილდღეობას.
სახელმწიფოს მიერ ფასების კონტროლი სრულიად ლეგიტიმური და აუცილებელია, განსაკუთრებით მაშინ, როდესაც პრაქტიკამ აჩვენა, რომ ზოგიერთ ბიზნესს არც სათანადო პასუხისმგებლობა აქვს და არც მორალური საზღვრები, რომლებიც ალოგიკური და უსამართლო ფასების დაწესებისგან შეაკავებდა.“ – წერს ჩიხელიძე.
