ძალადობრივ აქციებზე დაკავებული რეზო კიკნაძე პატრიარქის ინტრონიზაციაზე სოციალურ ქსელში წერს და სასულიერო პირებს აკრიტიკებს და მოუწოდებს, ღვთის სახლს საიუველირო მაღაზიად ნუ გადააქცევენ.
„ახლახან ხელახლა წავიკითხე ნიკოს კაზანძაკისის წიგნი, რომელიც წმინდა ფრანცისკეზეა – სრულყოფილებას ყოველგვარი სიმდიდრის თუ ხორციელი სიამისგან დაცლაში რომ ხედავდა. დღეს კი ვუყურებ სასულიერო პირებს და ცოტა ტრაგიკომიკური ხომ არ არის? ეპისკოპოსს როცა შეხედავ, პირველი მათგან გამოსჭვივის მატერიალური სიმდიდრე, ფუფუნება და არა სულიერება, ღვთიურობა… თვალებში მაინც ნუ გვჩრით მაგ ოქროსა და ათასთვალ მარგალიტს! ნეტავ, ერთი საათით მაინც წამოაყენა ახლა დავით აღმაშენებელი… ღვთის სახლს საიუველირო მაღაზიად ნუ გადააქცევთ!“- წერს რეზო კიკნაძე.
