საზოგადოებამ ძალიან მკაფიოდ გააკეთა არჩევანი, ამას ვერ ინელებენ, გამოდიან და უტიფარ დავალებას უტიფრად ასრულებენ, ისინი არიან გამხმოვანებლები იმ დავალებების, რომლებსაც იღებენ, მწარდებიან, რომ მათი სახე დაინახა საზოგადოებამ, – ამის შესახებ „ქართული ოცნების“ თავმჯდომარემ, ირაკლი კირცხალიამ განაცხადა.
მისი თქმით, მსგავსი განცხადებები, როგორიც პაველ ჰერჩინსკიმ გააკეთა, შეურაცხმყოფელია, თუმცა ეს არახალია საზოგადოებისთვის.
„სამწუხაროდ, ჩვენთვის ასეთი თავხედური და შეურაცხმყოფელი რიტორიკა არახალია. ერთგვარად შეაჩვიეს ჩვენი საზოგადოება ამ უტიფრობას და სითავხედეს ევროკავშირის ელჩი იქნება სხვა ქვეყნის დიპლომატიური მისიის წარმომადგენელი, რა უნდა გვიკვირდეს ადამიანისგან, რომელმაც გავიხსენოთ, რა განცხადება გააკეთა პრემიერის განცხადების შემდეგ რამდენიმე საათში. როგორი აბსურდის თეატრი შესთავაზა საზოგადოებას, ცრუ აღქმებზე დაფუძნებული რეალობა. ასევე, არ დაგვავიწყდეს, ისინი პირდაპირ იყვნენ ჩართულები წინასაარჩევნო პროცესებში, როგორც საპარლამენტო არჩევნების, ასევე ადგილობრივი არჩევნებისას. პირდაპირ მოუწოდებდნენ, რომელიც პოლიტიკური პარტიისთვის დაეჭირათ მხარი და არაერთხელ გვითქვამს, ისინი არიან პარტაქტივის წევრები. როცა ასეთი ბექგრაუნდი აქვს განცხადებებში ბატონ ჰერჩინსკის, რა გასაკვირია, როცა დღეს მან იმავე რიტორიკა დააბრუნა. ისინი გასცდნენ ყველანაირ მორალურ ჩარჩოებს თავის მასპინძელ ქვეყანაში. ასე რომ, ყველაზე მთავარია, მათ კარგად შეიგნონ და იციან ეს, რაც აღიზიანებთ, ამაზე მწარდებიან, რომ მათი სახე დაინახა საზოგადოებამ, რეალურად ვინ არიან, რა ძალას წარმოადგენენ, საითკენ უქადიან ჩვენს ქვეყანას, წავიდეს და წაიყვანოს კურსი, პირდაპირ ომში ჩართვაა ეს კურსი. საზოგადოებამ ძალიან მკაფიოდ გააკეთა არჩევანი. ამას ვერ ინელებენ. გამოდიან და უტიფარ დავალებას უტიფრად ასრულებენ. ჩვენ მათთან პირადული არაფერი გვაქვს, ისინი არიან გამხმოვანებლები იმ დავალებების და იმ მესიჯბოქსების, რომლებსაც იღებენ. გამტარები და და გამხმოვანებლები ასევე მესიჯბოქსების და დავალების მიმცემები იმ აგენტურული ქსელებისთვის, რომელიც დღეს მოქმედებს კოლექტიური „ნაცმოძრაობის“ სახით ქვეყანაში. ბატონ ჰერჩინსკის რა კითხვა უნდა დაუსვა, რომ ასეთ შეურაცხყოფაზე გასცეს პასუხი? მთავარი არის ერთი, რომ თავმოყვარე სახელმწიფოს ამაზე რეაქცია ჰქონდეს. ეს რეაქცია იყო ადეკვატური“, – განაცხადა კირცხალიამ.
