“ჩემი აზრით, ეს ინციდენტი იმ უხამსი კამპანიის შედეგია, რომელსაც წლების განმავლობაში ვხედავთ რადიკალი ლიბერალების მხრიდან. დავით აღმაშენებლის, წმინდა თამარ მეფის, ერეკლე II-ის, ილია ჭავჭავაძის, საქართველოს საპატრიარქოს, უწმინდესისა და უნეტარესის, ნოდარ დუმბაძის შეურაცხყოფა… ეს სია, სამწუხაროდ, ძალიან გრძელია. სწორედ ამიტომ მიმაჩნია, რომ მომხდარი პროვოცირებული იყო.
მაღალ მორალურ და ზნეობრივ ღირებულებებზე მდგომ ნიკა ხურცილავას ნერვებმა უმტყუნა, რაც, არსებული ვითარებიდან გამომდინარე, ჩემთვის გასაკვირი არ არის.
თუ ჩემი, როგორც საკრებულოს წევრის, მანდატი რაიმე ფორმით გამოადგება, მზად ვარ, თავდებში დავუდგე. დარწმუნებული ვარ, ამ პოზიციას ჩემი არაერთი კოლეგაც იზიარებს.
თავისუფლება ნიკა ხურცილავას!” – ლევან კოჭლოშვილი.
