საერთაშორისო გადახდის სისტემა Visa-მ რუსეთში ოთხი სასაქონლო ნიშნის რეგისტრაციის შესახებ განაცხადი შეიტანა. ინფორმაციას რუსული მედია ავრცელებს.
დოკუმენტები „როსპატენტში“ მარტში შევიდა. განმცხადებლად კი მითითებულია კომპანია „Visa International Service Association“.
სასაქონლო ნიშნის წარმატებით რეგისტრაციის შემთხვევაში, კომპანია შეძლებს საკომუნიკაციო და სატრანსპორტო მომსახურებების გაწევას.
ცნობისთვის, 2022 წლის მარტის დასაწყისში საერთაშორისო გადახდის სისტემებმა Visa-მ და Mastercard-მა რუსეთში ყველა ოპერაცია შეაჩერეს.
