გერმანიის კანცლერმა აღნიშნა, რომ მომდევნო კვირები გადამწყვეტი იქნება უკრაინის, ევროკავშირისა და რუსეთის დაპირისპირებაში.
„დიდი ალბათობით, ჩვენი კონტინენტის თავისუფლებისა და მშვიდობის დასაცავად ყველაზე გადამწყვეტი მომენტი, შესაძლოა, კვირები ან თვეები გველის წინ“, – განაცხადა ფრიდრიხ მერცმა ფინეთში, არქტიკული უსაფრთხოების სამიტზე ჟურნალისტებთან საუბრისას.
კანცლერი, რომელსაც ქვეყნის შიგნით რეგიონულ არჩევნებში მძიმე მარცხის ფონზე წინააღმდეგობის გადალახვა უწევს, პირობა დადო, რომ „ყველაფერს გააკეთებს“ უკრაინის მხარდასაჭერად და „ადამიანების დასარწმუნებლად“ და რომ ეს ყველას ინტერესებში შედის.
მერცმა აღნიშნა, რომ ევროკავშირის მასშტაბით მზარდი სკეპტიციზმი შეინიშნება.
მან იგულისხმა აღმოსავლეთ გერმანიაში გამართული რეგიონული არჩევნები, სადაც რუსეთის მიმართ მეგობრულად განწყობილმა “ალტერნატივა გერმანიისთვის” (AfD) პარტიამ გამარჯვება მოიპოვა.
მედიასთან, ფრიდრიხ მერცს პირდაპირ არ უსაუბრია მატარებლის სიახლოვეს მომხდარ რუსული დრონის თავდასხმაზე, რომლითაც, სავარაუდოდ, მისი მთავარი საგარეო პოლიტიკური მრჩეველი მგზავრობდა.
