“ჩემი კითხვა ძალიან კონკრეტულია. როდესაც თქვენ ბრძანებთ, რომ ამ მუხლს საერთო არაფერი აქვს ძალადობრივ კონტექსტთან და ძალადობრივი შინაარსის აქციასთან, შეკრება-მანიფესტაციების შესახებ კანონის მე-11 მუხლში, მე-11 მუხლის პირველი პუნქტის “ა” ქვეპუნქტში, არის თუ არა იმაზე საუბარი, რომ აკრძალულია, შეკრება-მანიფესტაციაზე მონაწილე პირი მივიდეს ცეცხლსასროლი იარაღით, ადვილად აალებადი ნივთიერებით, პიროტექნიკით და სხვა მსგავსი საგნებით, რაც შეიძლება გამოყენებული იყოს უკვე სწორედაც ძალადობრივი ქმედებების განსახორციელებლად? თავსი მხრივ, თქვენ მიერ ახლა შემოთავაზებული ამნისტია იმ ნორმას შეეხება თუ არა, რომელიც შინაარსობრივად არის დაკავშირებული ჩემ მიერ ხსენებულ პიროტექნიკის აკრძალვასთან? ეს ხომ მიზეზ-შედეგობრივი საკითხია. ისეთი შთაბეჭდილება იქმნება, რომ შინაარსს მიზანმიმართულად გაურბიხართ და ცდილობთ, წარმოადგინოთ, რომ ეს არის ნორმა, რომელიც არავითარ ძალადობრივ კონტექსტს არ მოიცავს და მხოლოდ იმ ადამიანებზე ლაპარაკობთ, რომლებსაც არაფერი მსგავსი არ განუხოცრიელებიათ. არადა,როცა ადამიანი მიდის პიროტექტნიკით და “მოლოტოვის კოქტეილით” აქციაზე, მგონი, ძალიან მარტივი გასაგებია, რა მიზანი შეიძლება მას ამოძრავებდეს. თქვენ სწორედ ამ ჯგუფზე საუბრობთ ახლა, ტრიბუნიდან და მაშინ, საზოგადოებას ვუთხრათ სიმართლე. თუ ეს [ინიციატივა] გამოიტანეთ, გეყოთ იმის სითამამე თქვათ, რომ დიახ, თქვენი პროექტის მიხედვით, “მოლოტოვის კოქტეილის” მსროლელიც პოტენციურად დაქვემდებარებულია ამნისტიას. ეს, დაახლოებით იმ კამპანიიდან არის, ზოგიერთი დიპლომატიური მისია რომ ცდილობდა “მოლოტოვის კოქტეილის” სროლის რომანტიზებას და მთელი კამპანიები იყო ამასთან დაკავშირებით. ამიტომ, ისაუბრეთ ამაზე ღიად და მერე უკვე საზოგადოება გააკეთებს შესაბამის დასკვნებს,” – აღნიშნა თორნიკე ჭეიშვილმა.
თორნიკე ჭეიშვილი გახარიას პარტიის ინიციატივაზე: გეყოთ იმის სითამამე თქვათ, რომ თქვენი პროექტის მიხედვით, “მოლოტოვის კოქტეილის” მსროლელიც პოტენციურად დაქვემდებარებულია ამნისტიას – ეს დაახლოებით იმ კამპანიიდან არის, ზოგიერთი დიპლომატიური მისია რომ ცდილობდა “მოლოტოვის კოქტეილის” სროლის რომანტიზებას
მსგავსი სტატიები