ფეხბურთის ეროვნულმა ნაკრებმა შეკრება დაიწყო. ქართველი ფეხბურთელები ფიფას 2026 წლის მსოფლიოს ჩემპიონატის საკვალიფიკაციო ეტაპისთვის დასკვნითი შეხვედრებისთვის მზადებას იწყებენ. ვილი სანიოლის გუნდი შესარჩევი ეტაპის ბოლო ორ ტურში საკუთარ მოედანზე ესპანეთს (14 ნოემბერს), სტუმრად კი ბულგარეთის (18 ნოემბერს) დაუპირისპირდებიან.
მანამდე ვილი სანიოლმა ნაკრების შემადგენლობა დაასახელა, თუმცა მოგვიანებით ცნობილი გახდა, რომ ტრავმების გამო გუნდს გიორგი მიქაუტაძე და ოთარ კაკაბაძე ვერ დაეხმარებიან. მათ ნაცვლად მწვრთნელმა ლიმასოლის „არისის“ ფორვარდი გიორგი ქვილითაია და უკრაინული „ჩერკასის“ ფეხბურთელი შოთა ნონიკაშვილი გამოიძახა.
