ვებგვერდმა IMDb 2025 წლის ყველაზე პოპულარული ფილმები და სერიალები დაასახელა. რეიტინგები ეფუძნება IMDb-ის გვერდების ნახვების რაოდენობას.
წლის ყველაზე პოპულარული ფილმი ჯეიმს განი „სუპერმენი“ გახდა, რომელშიც მთავარ როლს დევიდ კორენსვეტი ასრულებს. მსოფლიო პრემიერის შემდეგ ის ორი კვირის განმავლობაში ლიდერობდა IMDb-ის ჩარტებში და 600 მილიონ დოლარზე მეტი მოაგროვა.
მეორე ადგილზეა ჰორორი „იარაღები“ (The Weapons), ჯულია გარნერისა და ჯოშ ბროლინის მონაწილეობით.
მესამე ადგილი დაიკავა ფილმმა „ცოდვილები“ (Sinners), რომელშიც მაიკლ ბ. ჯორდანი ირლანდიელი ვამპირების წინააღმდეგ მებრძოლი ტყუპის როლს ასრულებს. IMDb-მ ფილმს „ჟანრების დამანგრეველი“ უწოდა. ის სამი თვის განმავლობაში იმყოფებოდა IMDb MOVIEmeter-ის ტოპ-20-ში.
ასევე წლის ყველაზე პოპულარული ფილმების სიაში მოხვდნენ: „ბრძოლა ბრძოლისთვის“ (Battle After Battle), „იურული სამყარო: აღორძინება“ (Jurassic World: Rebirth), „იღბლიანი გილმორი 2“ (Happy Gilmore 2), „ჭექა-ქუხილის ხალხი“ (Thunderbolts), „შეუსრულებელი მისია: საბოლოო ანგარიშსწორება“ (Mission: Impossible: The Final Reckoning) და „ფორმულა 1“ (Formula 1).
