ChatGPT-ის მომხმარებლებს იაპონიაში, ტაივანში, სამხრეთ კორეასა და ახალ ზელანდიაში ჯგუფური დიალოგის შექმნის ფუნქცია დაემატათ. მათ შეუძლიათ დიალოგში 20-მდე მონაწილე მიიწვიონ და ერთად იმუშაონ ან ესაუბრონ ხელოვნურ ინტელექტს.
როგორც OpenAI-ში განმარტავენ, ტესტირების ფარგლებში ხელოვნური ინტელექტი თავად ხვდება, როდის უნდა გაჩუმდეს ან როდის უნდა ჩაერთოს დიალოგში. მონაწილეებს ასევე შეუძლიათ თავად მიმართონ ჩატ-ბოტს.
ჯგუფურ ჩატში ხელოვნური ინტელექტი დაგეხმარებათ შვებულების მარშრუტის შედგენაში, შემოგთავაზებთ რემონტის იდეებს ან დაგეხმარებათ ისეთი რესტორნის მოძებნაში, რომელიც ყველა თანამოსაუბრეს მოეწონება. ის ასევე შეიძლება სასარგებლო იყოს სამუშაო მიმოწერაში, მაგალითად, სტატიებისა და ჩანაწერების საფუძველზე ანგარიშების შედგენაში.
აღსანიშნავია, რომ ახალი ფუნქციის ფარგლებში ასაკობრივი შეზღუდვები იმოქმედებს, თუ ჩატის რომელიმე მონაწილე 18 წელზე ნაკლები ასაკისაა. ეს შეზღუდვები საუბრის ყველა მონაწილეზე გავრცელდება.
