გლდანის მე-6 მიკრორაიონის მე-20 კორპუსთან მდებარე პარკში 25 სექტემბერს, 12:00-დან 18:00 საათამდე, ცხოველთა მონიტორინგის სააგენტო შინაური ცხოვლების მეპატრონეებს რამდენიმე სერვისს სთავაზობს.
კერძოდ, ცხოველთა იდენტიფიკაცია-რეგისტრაციას; კომპლექსურ და ანტირაბიულ (ცოფის საწინააღმდეგო) ვაქცინაციას.
ამასთან, მიუსაფარი ცხოვლებისთვის, როგორც კომპლექსური, ისე ანტირაბიული ვაქცინაცია იქნება სრულიად უფასო.
პატრონიანი ცხოველების შემთხვევაში, ანტირაბიული ვაქცინაციის ღირებულება შეადგენს 10 ლარს, ხოლო კომპლექსური ვაქცინაცია – 20 ლარს; ცხოველის ჩიპირება – 32 ლარია, ხოლო რეგისტრაცია არის უფასო.
„პროექტის მიზანია, ცხოველებზე მზრუნველი ადამიანებისთვის ვეტერინარულ სერვისებზე ხელმისაწვდომობის გაზრდა, საჭირო და პრობლემატურ საკითხებზე ინფორმაციის მიღება“, – ნათქვამია თბილისის მერიის მიერ გავრცელებულ ინფორმაციაში.
