აჭარის ავტონომიური რესპუბლიკის უმაღლესი საბჭოს თავმჯდომარე, ცოტნე ანანიძე, „კოალიცია ცვლილებებისთვის“ ერთ-ერთი ლიდერის, ნიკა გვარამიას, განცხადებას ეხმიანება, რომლის თქმითაც: „ 26 მაისს რუსთაველზე, ბევრნი უნდა ვიყოთ – გადავწყვიტოთ, რა გზით ვიბრუნებთ სამშობლოს, ერთად გადავწყვიტოთ და ერთად აღვასრულოთ!“
ანანიძის განცხადებით, ოპოზიციას გეგმა არ გააჩნია და ცდილობს პასუხისმგებლობა ხალხს შეაჩეჩოს, ხოლო მომავალი პოლიტიკური წარუმატებლობა თავიანთ რამდენიმე ასეულ ამომრჩეველს გადააბრალოს.
“გეგმა არ აქვთ და პასუხისმგებლობას ხალხს აჩეჩებენ. გზავნილი -“ერთად გადავწყვიტოთ’’, იმისთვის სჭირდებათ, რომ მომავალი პოლიტიკური ფიასკო რამდენიმე ასეულ მომხრეს გადააბრალონ,”- წერს ცოტნე ანანიძე.
