ჯონი დეპი მიხეილ ბულგაკოვის რომანის, „ოსტატი და მარგარიტას“, პირველი ინგლისურენოვანი ადაპტაციის პროდიუსერი გახდება. გარდა ამისა, მან შესაძლოა ფილმში ერთ-ერთი მთავარი როლიც შეასრულოს, – წერს Variety.
პროექტის შესახებ განცხადება საუდის არაბეთის კინოფესტივალზე „წითელი ზღვა“ გაკეთდა. გადაღებების დაწყება 2026 წლის ბოლოს იგეგმება.
ფილმი დეპის კომპანია IN.2 Film-ის მონაწილეობით იქმნება, თუმცა რეჟისორი, ისევე, როგორც პროექტის სხვა მონაწილეები, ჯერ შერჩეული არ არის.