მეცნიერებმა შექმნეს მოლეკულა, რომელსაც პარკინსონის დაავადების პროგრესირების შეჩერება შეუძლია. აღმოჩენის მიზანია ალფა-სინუკლეინის ცილის ტოქსიკური გროვების წინააღმდეგ ბრძოლა, რომლებიც ნეირონებს ანადგურებენ და იწვევენ კანკალს, შებოჭილობას და კოორდინაციის დაკარგვას.
შემუშავებული პეპტიდი ცილას ნორმალურ ფორმაში ინარჩუნებს, რაც ხელს უშლის მის საშიშ ნალექებად გადაქცევას. ექსპერიმენტებმა ამ მოლეკულის ეფექტურობა აჩვენა.
მკვლევრები თვლიან, რომ ეს ერთ-ერთი პირველი ნაბიჯია ისეთი პრეპარატის შექმნისკენ, რომელსაც შეუძლია არა მხოლოდ სიმპტომების შემსუბუქება, არამედ თავად დაავადების მექანიზმის შეჩერება.
ბათის უნივერსიტეტის სასიცოცხლო მეცნიერებების დეპარტამენტის პროფესორმა ჯოდი მეისონმა აღნიშნა: “ჩვენი ნაშრომი აჩვენებს, რომ შესაძლებელია რაციონალურად შეიქმნას მცირე პეპტიდები, რომლებიც არა მხოლოდ ხელს უშლის მავნე ცილების აგრეგაციას, არამედ ფუნქციონირებს ცოცხალ სისტემებშიც. ეს ხსნის საინტერესო გზას პარკინსონის და მასთან დაკავშირებული დაავადებების ახალი მეთოდით მკურნალობისთვის.
