ავსტრალიაში ძალაში შევიდა კანონი, რომელიც 16 წლამდე ბავშვებს სოციალური ქსელებით სარგებლობას უკრძალავს.
მომხმარებელთა ასაკის გადასამოწმებლად შესაბამისი ზომების გატარება დაევალა ისეთ პლატფორმებს, როგორებიცაა Instagram-ი, Facebook-ი, Threads-ი, X-ი, Snapchat-ი, Kick-ი, Twitch-ი, TikTok-ი, Reddit-ი და YouTube-ი.
ქვეყნის მთავრობაში აცხადებენ, რომ აკრძალვის მიზანი ახალგაზრდების მავნე კონტენტისგან დაცვაა, თუმცა კრიტიკოსები ვარაუდობენ, რომ ამან შესაძლოა მოწყვლადი თინეიჯერების იზოლაცია გამოიწვიოს და ბავშვებს ინტერნეტის ნაკლებად რეგულირებადი კუთხეების ათვისებისკენ უბიძგოს.
