მეუფე გრიგოლი ჩემი დიაკონი იყო, იობი – ჩემი მეგობარი და ახალი მზე, რომელიც ჩვენ გვაჩუქა მისმა უწმინდესობამ, არის შიო, – განაცხადა ამაღლების ტაძრის წინამძღვარმა, დეკანოზმა ამირან ამირანაშვილმა „ქრონიკასთან“.
დეკანოზმა თქვა ისიც, რომ ის ეკლესიაზე ზეწოლას არავის ურჩევს.
„ყველანი კარგები არიან და ეს სიკარგე უნდა გამოვლინდეს მათი შემოქმედებიდან, მათი ბერული ცხოვრებიდან და იმ თვისებებიდან, რომელსაც მოითხოვს ის კრიტერიუმები, რომელიც უნდა ჰქონდეს საქართველოს კათოლიკოს-პატრიარქს.
ეკლესიაზე ზეწოლას არავის ვურჩევ, რადგან ეკლესია ღმერთის არის, ჩვენ ღმერთის მსახურები ვართ და ვინც ღმერთის წინააღმდეგ წავიდა, როგორც წარემართა მომავალი, ისტორიულად დავინახეთ“, – აღნიშნა დეკანოზმა.
მართლმადიდებელი ეკლესიის გაფართოებული კრება, სადაც ახალი პატრიარქის არჩევა იგეგმება, 11 მაისს ყოვლადწმინდა სამების სახელობის საპატრიარქო ტაძარში გაიმართება.
