გარემოს დაცვისა და სოფლის მეურნეობის სამინისტროს შპს „საქართველოს მელიორაციამ“ იაყუბლოს წყალსაცავზე სარეაბილიტაციო სამუშაოები დაასრულა.
სამუშაოების ფარგლებში, წყალგამშვებ კოშკზე აღდგა დაზიანებული ბაქანი, დამონტაჟდა დამცავი გისოსის ტიპის კარი. ასევე, რესტავრაცია ჩაუტარდა იაყუბლოს მიმყვანი არხის სათავე-ნაგებობას და დამატებით მკვებავ მილსადენს, მოეწყო დაზიანებული გადასასვლელი ხიდი, შეიცვალა კონსტრუქციები.
იაყუბლოს მიმყვანი არხის სათავე-ნაგებობისა და დამატებითი მკვებავი მილსადენის რეაბილიტაციის სამუშაოების დასრულების შედეგად, შეიქმნა პირობები ინფრასტრუქტურის გამართული და უსაფრთხო ექსპლუატაციისთვის. ბოლნისის მუნიციპალიტეტის სოფლებში, დაახლოებით 140 ჰექტრამდე სასოფლო-სამეურნეო მიწის ფართობი სრულად არის უზრუნველყოფილი წყალმომარაგებით.
ინფორმაციას გარემოს დაცვისა და სოფლის მეურნეობის სამინისტრო ავრცელებს.
