სლოვაკეთის რესპუბლიკა ცნობად იღებს ევროპარლამენტის მიერ მიღებულ რეზოლუციას, რომელიც სლოვაკეთში სამართლის უზენაესობის, დემოკრატიისა და ფუნდამენტური უფლებების მდგომარეობას ეხება. აღნიშნული რეზოლუცია მხოლოდ პოლიტიკურ შეფასებას შეიცავს და სლოვაკეთის რესპუბლიკის მიმართ იურიდიული ძალა არ გააჩნია. უპირველეს ყოვლისა კი, ის რეალობას არ შეესაბამება და ჩვენ მის ფორმულირებას არ ვეთანხმებით, – წერს სლოვაკეთის საგარეო საქმეთა მინისტრი, იურაი ბლანარი, სოციალურ ქსელში.
მისი განცხადებით, სლოვაკეთის შესახებ მიღებული რეზოლუცია, კიდევ ერთი დასტურია იმისა, რომ ევროპარლამენტის წევრების ნაწილი, ევროპულ ინსტიტუტებს აღიქვამს როგორც პროგრესულ-ლიბერალური აქტივიზმის ტრიბუნას. ბლანარი ასევე აღნიშნავს, რომ რეზოლუცია ეფუძნება ოპოზიციის განცხადებებს, რომელიც საკუთარ ქვეყანაში წარუმატებელია და ცდილობს, იმედგაცრუება ბრიუსელში გადაიტანოს.
“ეს კიდევ ერთი დასტურია იმისა, რომ ევროპარლამენტართა ნაწილი ევროპულ ინსტიტუტებს პროგრესულ-ლიბერალური აქტივიზმის პოლიტიკურ პლატფორმად აღიქვამს. რეზოლუცია ეფუძნება ოპოზიციის მტკიცებებს, რომელმაც საკუთარ ქვეყანაში წარმატებას ვერ მიაღწია და ახლა საკუთარი იმედგაცრუებას ბრიუსელში გამოხატავს.
დიახ, ჩვენს მთავრობას განსხვავებული მოსაზრებები აქვს კავშირის ფუნქციონირების, მიგრაციის, მედიისა და საგარეო პოლიტიკის საკითხებზე. თუმცა, ეს არის მიზეზი, სლოვაკეთის რესპუბლიკას დემოკრატიისა და სამართლის უზენაესობის საკითხების შესახებ ლექციები წაუკითხოთ.
ასეთი რეზოლუციების მიღების ნაცვლად, ევროპარლამენტმა საბოლოოდ უნდა დაიწყოს ევროპელი მოქალაქეების რეალური პრობლემების – კონკურენტუნარიანობის დაკარგვის, ენერგეტიკული ან უსაფრთხოების საფრთხეების – მოგვარება.
სლოვაკეთი, როგორც ევროკავშირის წევრი სახელმწიფო, პატივს სცემს ყველა წესს და ნებისმიერი ღია საკითხის შემთხვევაში კონსტრუქციულ დიალოგს აწარმოებს. სწორედ ასე მოხდა კომისიის მიერ მომზადებული სამართლის უზენაესობის შეფასების ანგარიშის შემთხვევაშიც, რომელიც ევროკომისიასთან ორმხრივი დიალოგისა და ჩვენი არგუმენტების საფუძველზე უფრო ობიექტური გავხადეთ.” – წერს სლოვაკეთის საგარეო საქმეთა მინისტრი.
